05 Fevral 2020

Səhiyyə Nazirliyi: Xüsusi ayrılmış tibb müəssisəsində saxlanılanların səhhətində hər hansı bir problem aşkarlanmayıb

Bakı, 5 fevral, AZƏRTAC

Hazırda Kliniki Tibbi Mərkəzin yoluxucu xəstəliklər şöbəsində Çindən gəlmiş 7 nəfər var.

AZƏRTAC xəbər verir ki, bu barədə Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətləri birgə məlumat yayıb.

Məlumata görə, Pekində təhsil alan 1992-ci il təvəllüdlü Azərbaycan vətəndaşı, 1993-cü il təvəllüdlü həyat yoldaşı ilə birlikdə gəlib. Heç bir şikayətləri yoxdur, hər ikisi həkimlər tərəfindən müayinə olunub.

Digəri Çinin Jinxua şəhərində təhsil alan 1998-ci il təvəllüdlü Azərbaycan vətəndaşıdır. Hərarəti normaldır, heç bir şikayəti yoxdur. Analizləri götürülüb, müayinə olunacaq.

Kliniki Tibbi Mərkəzə yerləşdirilən başqa bir şəxs Çinin Jinxua şəhərində təhsil alan 1998-ci il təvəllüdlü Azərbaycan vətəndaşıdır. Onun da hərarəti normaldır heç bir şikayəti yoxdur.

Çinin Şandonq şəhərində təhsil alan 1997-ci il təvəllüdlü Azərbaycan vətəndaşı da xəstəxanaya yerləşdirilib. Heç bir şikayəti yoxdur. Xəstələrlə əlaqəsi olmayıb.

Çinin Zeyiyanq şəhərində təhsil alan 1997-ci il təvəllüdlü Azərbaycan vətəndaşı (qadın) hərarəti normaldır heç bir şikayəti yoxdur. Həkim müayinəsindən keçiriləcək.

Pekində təhsil alan 1994-cü il təvəllüdlü Azərbaycan vətəndaşı hərarəti normaldır. Həkimlər tərəfindən müayinə olunub, hazırda səhhətində problem yoxdur.

Yuxarıda qeyd olunanlar ölkəyə tranzit aviareyslərlə İstanbul, Dubay və Moskva şəhərlərindən gəliblər.

Xüsusi ayrılmış tibb müəssisəsində saxlanılanların səhhətində hər hansı bir problem aşkarlanmayıb. Karantin müddətinin sonunda onlar da evlərinə buraxılacaqlar.

30 Mart 2020
Koronavirus xəstələrində iy və dadbilmə hissinin itməsi barədə çoxsaylı məlumatlar var. İy və dad bilmə hissinin…
30 Mart 2020
Koronavirusun əsasən yaşlı insanlarda ağciyər problemi yaratdığı bildirilir. Ən çox onlarda pnevmoniya ilə bağlı ağırlaşmaların…
30 Mart 2020
Ümumdünya Səhiyyə Təşkilatı (ÜST) koronavirusun yoluxması ilə bağlı ən çox yayılmış fikirlərdən birini rədd edib.…