Leyla Əliyevanın doğum günüdür
Bu gün Heydər Əliyev Fondunun vitse-prezidenti Leyla Əliyevanın doğum günüdür. 2011-ci ildən bu vəzifəni icra edən Leyla Əliyeva sosial, humanitar, təhsil, səhiyyə və ekologiya sahələrində həyata keçirilən çoxsaylı layihələrin təşəbbüskarlarından biridir.
Heydər Əliyev Fondu onun fəaliyyəti çərçivəsində xüsusilə uşaqların sağlamlığının qorunması, tibb müəssisələrinin qurulması və yenilənməsi, reabilitasiya mərkəzlərinin yaradılması, diabetli və talassemiyalı uşaqlara dəstək, eləcə də məktəb və uşaq bağçalarının tikintisi və əsaslı təmiri istiqamətində mühüm layihələr reallaşdırıb. Leyla Əliyeva eyni zamanda “Xocalıya ədalət!” beynəlxalq kampaniyası və IDEA İctimai Birliyi kimi təşəbbüslərlə də geniş ictimai fəaliyyət göstərir.
Doğum günü münasibətilə Pediatriya.az Leyla Əliyevanı təbrik edir, ona möhkəm cansağlığı, yeni uğurlar və xeyriyyəçilik fəaliyyətində davamlı nailiyyətlər arzulayırıq.
