Uşaqlara dini adların qoyulması halları azalıb

Azərbaycanda uşaqlara dini adların qoyulmasına maraq azalıb.

Bunu Trend-ə Nazirlər Kabineti yanında Terminologiya Komissiyasının sədr müavini Sayalı Sadıqova deyib.

Onun sözlərinə görə, əvvəllər qız uşaqlarına Fatimeyi-Zəhra adının qoyulması üçün müraciətlər çox edilirdi. Lakin indi belə müraciətlər edilmir: “Dini adlara meyl əvvəlki illərə nisbətən azalıb. Digər tərəfdən, əvvəllər dini adlar qoyularkən mürəkkəb adlar təklif edilirdi. Məsələn, Həsən və Hüseyn adını bir yerdə yazmaq istəyənlər var idi. İndi görürsən ki, belə müraciətlərin sayı azalıb”.

S.Sadıqova qeyd edib ki, hazırda dini adlar daha çox qızlara qoyulur.

Картинки по запросу körpə müsəlman

Komissiyanın sədr müavini əlavə edib ki, qızlara qoyulan dini adlar arasında Quranda olan Betül, daha sonra isə Zəhra, Fatimə adları üstünlük təşkil edir.

S.Sadıqovanın sözlərinə görə, bəzi adlara olan maraq tamamilə dəyişib.

Картинки по запросу körpə uşaq dini

S.Sadıqova bildirib ki, oğlan uşaqlarına daha çox Həsən, Hüseyn adı verilsə də, artıq Tural, Tunqay, Turqay, Turan, Toğrul, Cavidan, Teymur, Temurçin də daha çox qoyulan adlar sırasına əlavə edilib:

“Bu adlar artıq adlar siyahısında 2-ci, 3-cü dərəcəli yerləri tutur. 2018-ci ildə oğlan uşaqlarına Cavidan, Teymur, Temurçin adları çox qoyulub. Yusub adı isə bu il ərzində heç bir uşağa qoyulmayıb”.

 

Trend