11 İyul 2019

Uşaqların günəş eynəyindən istifadəsi

Uşaqların günəş eynəklərinə olan ehtiyacı böyüklərdən daha çoxdur. Yaşı 10-dan aşağı olan uşaqların gözləri və göz qapaqları daha çox həssasdır. Günəşdən yayılan qısa dalğalı şüalar uşaqların gözünün torlu qişasına daha tez təsir edir. Nəticədə böyüdükcə katarakta, göz mayesində disbalans, göz bəbəyində böyümə, görmə problemləri yarana bilər. Ona görə uşağa vaxt itirmədən düzgün günəş eynəyinin seçilməsi tövsiyə olunur.

Günəş eynəyindən istifadəyə hansı yaşda başlanılmalıdır?

2 yaşına qədər uşaqlarda arxası rezinli, asanlıqla çıxara bilməyəcəyi günəş  eynəklərindən istifadə məsləhət görülür. Xüsusən sərbəst oturmağa başlayan və özünü idarə edə bilən 6 aylıq uşaqlara günəş eynəyi istifadə edə bilər.

2 yaşdan etibarən klassik, böyüklərin istifadə etdiyi eynəklərə yavaş-yavaş keçirilə bilər. Lakin, övladınız hiperaktivdirsə bir az daha gözləməyəniz daha məqsədə uyğundur.

Uşaqlara uyğun olan düzgün günəş eynəyindən istifadə olunmalıdır

  • İlk öncə uşaqların günəş eynəklərinin şüşələri təbii ki, ultrabənövşəyi şüalardan qorumalıdır.

Günəş eynəklərinin ultrabənövşəyi şüalardan qorumağına görə 5 sinfə bölünür:

Klas 0 Bu şüşələrin qoruma gücü yoxdur. Yalnız aksesuar məqsədi ilə istifadə olunur
Klas 1 Çox az ultrabənövşəyi şüaların qorumalığı var. Körpənin ehtiyacını tam ödəmir
Klas 2 Orta şiddətli ultrabənövşəyi şüalara qarşı qoruyur. Kiçik miqdarda parlaqlığı azaldır
Klas 3 Ultrabənövşəyi şüalardan uşağı qoruyur. Parlaqlığı ciddi miqdarda azaldılır
Klas 4 Bu şüşələr həm ultrabənövşəyi şüalar, həm də parlaqlıqdan 99- 100% yüksək səviyyə də qoruyur

Çalışın uşaqlarınız üçün klas 3 və klas 4 olan günəş eynəklərindən istifadə edəsiniz.

Картинки по запросу дети солнечные очки

  • Şüşələrin çox tünd rəngdə olmamasına diqqət yetirilməlidir. Bu şüşələr güman edildiyi kimi günəş işıqların sınmasını təmin etmir.Uşağın həm də görmə qabiliyyətini azaldır.
  • Seçdiyiniz günəş eynəyinin keyfiyyətinə xüsusi diqqət yetirin.
  • Şüşə və kənarları (çərçivə) zərbələrə qarşı nisbətən dayanıqlı olmalıdır. Uşağınız parkda, bağçada, çimərlikdə oynayarkən yıxılarsa və ya bir yerə dəyərsə eynək parçalanıb ona zərər yetirə biləcəyini düşünün
  • Eynəyin materialı yüngül və rahat olmalıdır. Ona görə də polikarbonatdan istehsal olunmuş günəş eynəklərinə üstünlük verməyiniz məsləhət görülür
  • Günəş eynəyi uşağın üzünə tam uyğun olmalıdır. Burun yastıqcıqları nahiyəsidə yumşaq olmasına nəzarət edin. Taxılanda kənarlardan və üstdən günəş işıqları daxil olmamalıdır. Bununla yanaşı eynəyin çox da sıx olmamasına diqqət edin.
  • Kənarların (çərçivə) materialında kimyəvi maddələr olmamalıdır. Boya, toksik maddələr tərkibində olan çərçivələr uşağın həssas dərisini qıcıqlandıra bilər və allergik reaksiyaya səbəb ola bilər.
  • Əgər uşağınızın gözündə hərhansı başqa görmə problemi vardırsa, onda mütləq göz həkimi ilə məsləhətləşin və xüsusi nömrəli günəş eynəklərindən istifadə etməyə çalışın. Bu şüşələr uşağın ehtiyacına uyğun olaraq hazırlana bilər.

Uşaqlar təkcə yay aylarında günəş eynəyindən istifadə etməlidirlər?

Ultra bənövşəyi şüalar təkcə yay aylarında deyil, həmçinin digər aylarda da orta və yüksək şiddət də ola bilərlər. Ona görə çalışmaq lazımdır ki, təkcə yay aylarında deyil, günəş işıqların yayıldığı digər dövrlərdə də günəş eynəyindən istifadə edilsin.

Mütəxəssis pediatr Dr.Nərmin Əzizova

23 İyul 2019
Uşağın udduğu kənar cisimlər: bəzən yalnız endoskopik şöbədə kənarlaşdırılır. Yay fəsli hər bir valideyn üçün…
16 İyul 2019
Uşaqlarda tez-tez rast gəlinən xəstəliklərdən biri də sidik yolu infeksiyasıdır. Qız uşaqlarında hər yaşda, oğlanlarda…
24 İyun 2019
Tualet təliminin məqsədi, uşağın oyaq və ya yatan vəziyyətdə sidik və nəcis ifrazını nəzarətdə saxlaya…