Uşaq evi sakinləri ilə Vətən müharibəsi iştirakçılarının görüşü olub
Bakı, 27 oktyabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 1 saylı Uşaq evi sosial xidmət müəssisəsində Vətən müharibəsi iştirakçılarının valideyn himayəsindən məhrum olmuş uşaqlarla görüşü təşkil olunub.
Agentliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, möhtəşəm Zəfərlə başa çatan Vətən müharibəsinin 5-ci ildönümü münasibətilə təşkil edilən görüş zamanı müharibə iştirakçıları şərəfli döyüş yollarından danışıb, xatirələrini bölüşüblər.
Sonra müəssisə sakinlərinin iştirakı ilə “Zəfər qoxulu 5 il” adlı konsert proqramı təşkil edilib. Uşaqlar vətənpərvərlik ruhunda mahnılar oxuyub, müxtəlif rəqs nömrələri ilə çıxış edib, qəhrəmanlıq mövzusunda şeirlər səsləndiriblər.
Görüş maraqlı söhbətlər, səmimi anlar və xoş təəssüratlarla yadda qalıb.
