Səhiyyə Nazirliyinin nümayəndələri Ümumavropa Liderlik Akademiyasının təlim proqramının seçim mərhələlərini uğurla keçiblər

Xəbərlər
22 Oktyabr 2024

2024-cü ilin iyul ayından başlayan Ümumavropa Liderlik Akademiyasının (ELA Akademiyası) təlim proqramında iştirak etmək üçün regionun 6 ölkəsindən irəli sürülən 31 namizəddən 14 nəfər seçim mərhələlərindən uğurla keçərək, növbəti proqramda iştirak üçün dəvət alıblar.
Azərbaycan Respublikası Səhiyyə Nazirliyinin İnsan resursları, elm və təhsil şöbəsinin müdir müavini Təranə Əhmədova və Səhiyyə siyasəti şöbəsinin baş məsləhətçisi Nigar Nəzərli də növbəti mərhələyə yüksəliblər. Təcrübə proqramı (Tier2) Danimarkanın paytaxtı Kopenhagen şəhərinin Ümumdünya Səhiyyə Təşkilatının Regional Avropa Ofisində təşkil olunub.
ELA Akademiyasının Tier2 proqramı çərçivəsində təlim keçdiyi müddətdə səhiyyə sahəsində insan resursları üzrə göstəricilərin, o cümlədən Azərbaycan Respublikasında tibb əczaçılıq fəaliyyəti ilə məşğul olmaq hüququna malik şəxslərin dövlət reyestrinin təkmilləşməsi üzrə “Tibb müəssisələrinin standart əməliyyat prosedurlarının bazasının təşkili” mövsuzunda layihə hazırlanıb.

Three people are seated at a table in a meeting room, discussing with laptops and notes in front of them.
A group meeting in a conference room with a person taking notes, laptops open, and a large screen displaying remote participants.
Four women stand outside UN City, smiling and wearing identification badges, with the UN logo visible on the building.
A group of six people poses for a selfie in a modern office space, with plants and colleagues in the background.

Qeyd edək ki, ÜST-nin Regional Avropa Ofisinin əsas təşəbbüsü olan Ümumavropa Liderlik Akademiyası ölkə səviyyəsində maksimum nəticələr əldə etmək üçün insan resurslarının inkişafına yönələn üç səviyyəli proqramdır. Təcrübə proqramının əsas məqsədi Avropa regionunun səhiyyə sahəsində fəaliyyət göstərən dövlət orqanlarının rəsmi nümayəndələrinin qarşılıqlı faydalı bilik və təcrübə mübadiləsi, o cümlədən səhiyyə siyasəti istiqamətində birgə çalışmaq üçün potensialın artırılması və səmərəli layihələrin ərsəyə gəlməsi nəticəsində regionda səhiyyə sisteminin gücləndirilməsidir.
ELA Akademiyasının Tier2 proqramı noyabrın 13-dək davam edəcək.

Four individuals pose together in front of a World Health Organization backdrop, promoting a quality care event.
Two individuals are holding a training certificate at a World Health Organization event in Athens.