Səhiyyə Nazirliyi tərəfindən İcbari Tibbi Sığorta Agentliyinə təkliflər göndərilib

Səhiyyənin inkişafı ölkə başçısının apardığı sosial yönümlü siyasətin ən prioritet istiqamətlərindən biridir.

Belə ki, son 10 il ərzində bu sahədə çox əhəmiyyətli qanunvericilik bazası yaradılıb, dövlət proqramları qəbul edilib, tibb müəssisələrinin maddi-texniki bazasının gücləndirilməsi, yeni tibbi texnika və texnologiyaların tətbiqi, köklü kadr islahatları kimi geniş miqyaslı tədbirlər həyata keçirilib.

Səhiyyə sahəsində mövcud inkişaf tendensiyaları Azərbaycanda səhiyyənin daha da gücləndirilməsi və qabaqcıl səhiyyə sistemlərindən birinə çevrilməsi zərurətini yaradır.

Bununla əlaqədar olaraq, ölkədə icbari tibbi sığortanın tətbiqi şəraitində Azərbaycan Respublikası Səhiyyə Nazirliyinin mütəxəssisləri tərəfindən səhiyyə sisteminin növbəti illərdə inkişaf istiqamətlərinə dair hazırlanmış təkliflər İcbari Tibbi Sığorta Agentliyinə göndərilib.

Səhiyyə Nazirliyi Mətbuat Xidmətinin məlumatı