NDU Tələbələri Qazi Universitetində təcrübə proqramına başlayıblar

Naxçıvan Dövlət Universitetinin Tibb fakültəsinin bir həkim və 16 tələbədən ibarət qrupu Ankara şəhərində Qazi Universitetinin Diş Həkimliyi fakültəsində təcrübə proqramına başlayıb.

Təcrübə 7-18 iyul tarixlərini əhatə edəcək. Bu müddətdə tələbələr Ortodontiya, Ağız-Üz-Çənə Cərrahiyyəsi, Oral Radiologiya, Parodontologiya, Endodontiya və Protez bölmələrində praktiki bilik və bacarıqlarını artıracaqlar.

Qeyd edək ki, Naxçıvan Dövlət Universitetinin 240 nəfərlik professor-müəllim və tələbə heyətinin təcrübə proqramı Türkiyənin nüfuzlu ali təhsil müəssisələri olan Hacettepe, Ankara, Qazi, Ege və Qaradəniz Texniki universitetlərində təşkil olunub.