Həkim reanimatoloq: “Bir çox həkim koronavirusun qurbanı olub”
“Reanimasiya şöbəsində həkim reanimotoloqların işi çox çətindir. COVID-19 ilə mübarizədə peşəkar həkimlər çalışıb”.
Oxu.Az xəbər verir ki, bunu Səhiyyə Nazirliyinin mütəxəssis-eksperti İsrail Məhərrəmbəyli deyib.
Onun sözlərinə görə, bir çox həkim koronavirusun qurbanı olub:
“Buradan koronovirusdan vəfat edən həmkarlarımızın ailələrinə başsağlığı verirəm. Hər kəsin nəzərinə çatdırıram ki, xəstəxanalarda həkimlərin üzərinə çox ciddi məsuliyyət düşür. Vətəndaşlar özlərini qorumaqla xəstəxanalarda həkimlərin də yükünü azaltmış olurlar. Virusdan qorunmağın yolu isə bütün dünya ölkələrində olduğu kimi vaksinasiya olunmaqdır. Hər kəs çalışmalıdır ki, özünü və yaxınlarını qorusun”.
Könül Cəfərli