Azərbaycanda “I Beynəlxalq pediatriya, uşaq cərrahiyyəsi və tibb bacıları konqresi" keçirilmişdir
7-8-9 aprel 2022-ci il tarixlərində Azərbaycan Respublikası Səhiyyə Nazirliyi, TƏBİB, K.Y.Fərəcova adına Elmi-Tədqiqat Pediatriya İnstitutunun birgə təşkilatçılığı ilə Bakı şəhərində “I Beynəlxalq pediatriya, uşaq cərrahiyyəsi və tibb bacıları konqresi” keçirilmişdir. Yüksək səviyyədə təşkil olunaraq keçirilmiş konqresin gündəliyini təqdim edirik:
Tədbirin açılışını “K.Fərəcova adına Elmi-Tədqiqat Pediatriya İnstitutu”nun direktoru T.ü.f.d. Allahverdi Musayev, “Ankara Universiteti”nın Professoru Ömər Erdeve, “Səhiyyə Nazirliyi”nin eksperti Uzm.Pediatr Erkin Rəhimov və “Unity Company” təsiscisi Əliyev Fikrətin çıxış nitqləri ilə başlayıb.
“K.Fərəcova adına Elmi-Tədqiqat Pediatriya İnstitutu”nun direktoru T.ü.f.d. Allahverdi Musayevin çıxışı zamanı ilk dəfə Azərbaycanda konqres çərçivəsində pediatr,uşaq cərrahı və tibb bacılarının bir araya gətirildiyini qeyd edib.Həmçinin Beynalxalq Konqresdə pediatriya, cərrahiyyə, neonatalogiyanin an aktual problemlərinə həsr olunan məruzələr dinləniləcək, ağır klinik halların müzakirəsi təşkil ediləcək, azərbaycanlı mütəxəssislərin, Türkiyədən, Avropadan, Rusiyadan gələn yüksək ixtisasli mütəxəssislərlə canli bilik və tacrübə mübadiləsi aparilacaq. Konqresimizdə Türkiyənin aparıcı (Ankara, Hacettepe, Ege, Qazi, Saglık Bilimleri, Uludağ) Universitetlərindən, Avropa Pediatrik Cərrahiyyə Assosiasiyasi, Rusiya Federasiyasından dünyada tanınmış professorların çıxışları nəzərdə tutulur.Əlavə olaraq, Allahverdi Musayev Konqresin 3 gün ərzində davam edəcəyini, ümumilikdə 300 nəfər iştirakçının rəsmi qeydiyyatdan keçdiyini və 70-dən çox məruzə dinləniləcəyini qeyd edib.Bununla yanaşı Beynəlxalq tədbir kimi tanınıb və Səhiyyə Nazirliyi tərəfindən 24 kredit balı qiymətləndirilib.
Onu da qeyd edək ki, konqresin keçirilməsinin əsas məqsədi uşaqların sağlamlığı kimi vacib məsələlərdə elmi-tədqiqat potensialımızı təkmilləşdirmək və uşaqların müasir, yüksək keyfiyyətli, effektli müalicə metodları ilə tanış olmaq, beynəlxalq təcrübdən yararlanmaq, sürətlə inkişaf edən tibbin tələblərinə uyğun müalicə metodlarının tətbiqi üzrə təcrübə mübadiləsi aparmaqdır.
