Azərbaycan oftalmologiya elminin dünyada tanınmasında akademik Zərifə Əliyevanın böyük xidmətləri olub
Bakının Xətai rayonunda görkəmli oftalmoloq-alim, akademik Zərifə Əliyevanın adını daşıyan uşaq bağçasında alimin anadan olmasının 95 illiyinə həsr olunan anım tədbiri keçirilib.
AZƏRTAC xəbər verir ki, bağçanın müdiri Sevinc Mustafayeva Əməkdar Elm Xadimi, tibb elmləri doktoru Zərifə Əliyevanın zəngin ömür yolundan, elmi-pedaqoji fəaliyyətindən, Azərbaycan səhiyyəsinin inkişafına verdiyi töhfələrdən danışıb.
Tədbirdə çıxış edən rayon icra hakimiyyəti başçısının müavini Jalə Abdiyeva bildirib ki, Azərbaycan oftalmologiya elmini beynəlxalq aləmdə tanıdan yüksək intellekt sahibi, oftalmologiya sahəsi üzrə ilk qadın akademik Zərifə Əliyevanın elmi yaradıcılıq, praktik həkimlik sənəti ilə yanaşı, yeni oftalmoloqlar nəslinin yetişdirilməsi sahəsində də danılmaz xidmətləri olub.
Sonda uşaqların ifasında ədəbi-bədii kompozisiya təqdim olunub.
