Azərbaycanda III Uşaq Paralimpiya İdman Oyunları keçirilmişdir

Dekabrın 11-də keçirilən III Uşaq Paralimpiya İdman Oyunlarında Naxçıvan Muxtar Respublikası da daxil olmaqla, 8 regiondan sağlamlıq imkanları məhdud 111 uşaq iştirak edib. Oyunlar UNICEF-in Azərbaycan nümayəndəliyinin və “Azercell Telecom” MMC-nin dəstəyi ilə təşkil olunub.

Sumqayıt şəhərində yerləşən Respublika Paralimpiya İdman Kompleksində keçirilən idman oyunlarında paralimpiyaçılar yeddi idman növündə (boça, cüdo, üzgüçülük, qolbol, stolüstü tennis, parataekvondo və əlil arabasında idman rəqsi) 22 dəst medal uğrunda mübarizə aparıb.

Qaliblər kubok, medal, diplomla təltif olunub, “Azercell Telecom” MMC və Milli Paralimpiya Komitəsi tərəfindən xüsusi hədiyyələrlə mükafatlandırılıblar.

AZƏRTAC