Uşaqlarda günvurma zamanı nə edilməlidir?
Günəş şüaları altında uzun müddət qalma nəticəsində bədən temperaturunun nizamlama imkanları azalır və temperatur tənzimlənməsinin pozulması nəticəsində günvurma baş verir. Əgər uşaqlarınızı hava temperaturunun yüksək və rütubətli olması zamanı günvurmadan qorumasanız klinik əlamətlər müşahidə edilə və hətta huşun itməsinə (koma) halının yaranması kimi də ortaya çıxa bilər. Bu zaman gec müdaxilə edildikdə beyin qanaması, böyrək və ürək çatışmazlığı, hətta ölüm baş verə bilər.
İsti vaxtlarda uşaqlar açıq havada sevinclə qaçıb-oynamaq istəyirlər. Lakin, bu zaman diqqətli olmaq vacibdir. Xüsusən həyatın ilk illərində günəşə qarşı uşaqlar çox həssasdırlar. Günəş işıqları uşaqların xüsusən sümük inkişafında vacib olan “D vitamini” mənbəyi olsa da belə, amma bir neçə xəstəliyin yaranmasına səbəb ola bilər.
Günvurmanın klinik əlamətləri hansılardır:
- Yüksək temperatur
- Əzələ qıcolmaları
- Gücsüzlük, yorğunluq
- Şiddətli baş ağrısı, baş fırlanması
- Davranış pozğunluğu, əsəbilik
- Solğun və isti dəri
- Mədə ağrı tutmaları, qusma, ürək bulanma
- Huş pozğunluğu, hallüsinasiyalar
- Ürək döyünmə hissi, sürətli nəbz
- Yuxuya meyl
- Susuzluq hissi, göz yaşı miqdarında azalma, ağız və dildə quruma
İlkin yardım nə zamanı edilməlidir
- Bu əlamətlər olduqda uşağa bol maye verilməli və uşaq sərin, havalı yerə keçirilməlidir
- Paltarı soyundurulmalıdır
- Qızdırma varsa qızdırma salıcı verilməldir. Bədən temperaturunu aşağı salma üçün başına və sinəsinə soyuq su ilə isladılmış nəm parça qoymaq lazımdır. Əgər uşağın vəziyyəti uyğundursa duş qəbul etdirməkdə olar.
- Qan dövranını başa doğru istiqamətləndimək üçün ayaqları qaldırmalı, qol və ayaqlara masaj edilməli,
- Xəstənin huşu aydındırsa maye qəbulu artırılmalıdır
- Qusma ilə qızdırma bərabərdirsə və huş bulanıq olarsa təcili olaraq həkimə müraciət edilməlidir.
Bu zaman hansı hərəkətləri etmək olmaz
- Xəstənin huşu aydın deyilsə maye verilməməli
- Spirt qoxulatmamalı
- Qatı yeməklər verilməməli
Mütəxəssis pediatr Dr.Nərmin Əzizova